！哩篇文章系粵語陳述

歌名

《黃金時代》收入於陳奕迅《我的快樂時代》專輯中,1998年都算系夕爺同wyman嘅高產期,《黃金時代》便出自夕爺手中。哩首歌歌名，來自於詞中的一段:

黃金廣場外分手

在時代門外再聚

所以歌名裏面“黃金”同“時代”系分別對應黃金商場同埋時代廣場.哩兩個商圈系香港兩個離得好近嘅商圈。詞中「分手」同埋「再聚」都有兩種可能性,可能系分手後舊情人「重」聚,可能系同新歡一起。不過兩者之中,由「散」再到「聚」,之中不免覺得有滴「快」，甚至俾人一種「隨便」嘅感覺。由黃金商場行到時代廣場就已經經歷咗「分手」,「再聚」,夕爺哩句「以空間代替時間」，將兩個地標距離之「近」,表達咗兩件事情發生時間間隔之「短」,寫出哩個時代中嘅「快餐式」戀愛。

我睇過好多人話鍾意哩首歌，系因爲歌中「想愛就愛，唔想愛就分開咯」嘅現象就系所謂嘅「黃金時代」。係哩個「快餐」至上嘅年代，所以支持咁嘅現象其實都系理所當然。但系愛便一齊，甚至乎一齊同居，一齊生活，過咗兩日就厭了，倦了，好正常咁分開咗。咁樣嘅「快餐式戀愛」，可能前幾次你覺得好好味，好有新鮮感，但過咗好短時間就覺得失去咗熱情去愛，或者覺得系冇麼可愛。我覺得愛情唔可以似食緊快餐，「快餐」注重於食「飽」未，更多系注重「結果」;但系愛情應該注重於「過程」，更加系真心相伴。所以，我並唔系好認同上面嘅觀點。

歌詞

買了球鞋再買玩具 甚至想 花光一切買新居

愛上談情再愛入睡 直到想 躺進陌生者的家裡

吃喝完成再去玩樂 甚至想 天光之際看星光

吻你眉頭吻至寂寞 直到想 擁吻漫畫中的主角

歌詞當中我都覺得寫的好有意思。由買「球鞋」再到買「玩具」，甚至於花光「一切」買「新居」;由「吃喝玩樂」再到「睇星光」。都系由「易」到「難」，我覺得夕爺系寫緊時代「進化」。似乎人嘅需求系層層遞進，有咗哩個，仲系要嗰個。好似人人咩都有，但其實買到之後又會覺得空虛。買咗波鞋，仲要玩具，甚至用條命搵錢買樓，都仲系滿足唔到佢。追求完美嘅人，甚至想「擁吻漫畫中的主角」。其實哩幾句詞唄我感覺都好似系依家嘅社會。有人花光一生嘅錢先夠買個新居;有人愛上虛擬角色，唔愛身邊嘅人;有人追求娛樂，有人… 《黃金時代》，好似寫緊一個唔系咁正常嘅時代。

你與我湊巧經過 就像在咖啡座

一個兩個三個 太悶或是太多

多年之後，你與我好似湊巧遇上，看到各自身邊的人，是「一個」人呢？還是「兩個」呢？還是「三個」。經過之時，看到你臉上皺紋的痕跡，不知道你是覺得現在的生活太「悶」了，還是身邊要照顧的人太「多」了。總之，你過的都系唔太滿意吧。

在這裡，我想起了林詠琛在《花見》裡的一句說話：「幸福和安穩令人不安，我們每個人的一生，總在不自覺地把自己擁有的一切推向崩壞。」

夕爺異曲同工，寫緊對婚煙生活嘅不安。

其實，全首歌我都覺得夕爺寫嘅唔系「黃金時代」，系「將來嘅時代」。許多人認爲嘅「未來」。而夕爺係當時見到嘅「未來」，就系我哋依家睇到嘅「現在」。種種社會問題，夕爺似乎早已經遇見，對婚姻嘅恐懼，對愛情嘅隨意，對身邊有嘅唔滿足…… 對於黃金時代，不過系沉迷，輕率，恐懼，冇唄人咩希望。人係當中只有做一個所謂「向前」嘅人，唔系追名求利不擇手段，就系糊塗戀愛隨意去愛，最重要嘅系，冇人可以出聲話你哋唔啱，因爲佢哋仲沒出聲就已經冇聲了。所以出聲嘅人越來越少，再後來，所有人都係「地獄」之中，但係佢哋以爲哩度系個「天堂」……

所謂「黃金」時代，好似都冇咩值得發光嘅地方……